WAZIRI wa Nishati Mhe.January Makamba Amesema Bado asilimia zaidi ya 50 ya vitongoji nchini havijafikiwa na umeme, kazi zilizopangwa kutekelezwa kwa mwaka 2023/24 ni pamoja na, ujenzi wa miundombinu ya kusambaza umeme katika vitongoji 2,034 nchini ambavyo bado havijafikiwa na miundombinu ya umeme.

.

"Kwa kuanzia, REA imetenga jumla ya shilingi bilioni 377.05 fedha za ndani kwa ajili ya utekelezaji wa mradi huu"

.

Makamba Ameyasema Hayo Leo Mei 31,2023 Alipokuwa Bungeni Jijini Dodoma Akiwasilisha Bajeti Ya Makadirio Ya Mapato Na Matumizi ya Wizara Hiyo Kwa Mwaka Wa Fedha 2023/24.

.

Amesema Serikali kupitia Wizara ya Nishati, inaandaa Mpango Maalumu wa kupeleka umeme katika vitongoji vyote nchini ndani ya miaka mitano badala ya takribani miaka 20 kwa utaratibu wa sasa.

.

"Kwa sasa zoezi la uchambuzi wa namna ya ugharamiaji wa azma hiyo, ikiwemo kupitia ushiriki wa Sekta Binafsi linaendelea" Amesema Makamba.

.

Aidha, Makamba Amesema uzalishaji wa gesi asilia umeongezeka hadi kufikia Futi za Ujazo bilioni 68.02 ikilinganishwa na Futi za Ujazo bilioni 59.96 kwa kipindi kama hicho mwaka 2021/22 sawa na ongezeko la asilimia 13.

.

"Ongezeko hilo limetokana na hatua zilizochukuliwa za ukarabati wa visima vya uzalishaji wa gesi asilia" Amesema Makamba.

#JordanMediaupdates